Auf Schwäabisch zôm Daag vo dr Muddrschbrôch: Guadazell-Hôilige Leibr, Märdir’r ônd barogge Heahgab!

Dr Kaschda vom Hailigá Alexandr
Gloschdr Guadázäll, Dr Kaschdá fom Hailiga Alexandr

Gloschdr Guadázäll, Dr Kaschdá vom Hôiligá Alexandr

Weil heid dr‘ endrnadtionale Daag vô dr Muttrschbrôch isch, ônd a Schbrôch gschbrochá ond au gschriabá werrá muaß, damidd se lebendich bleibt, han I main heidigá urschbrenglich auf Englisch vr’fassdá Dagesardiggl nôamôle härgnommá ônd auf Schwäabisch (genaur gsaid Ulmisch) nôamôle gschriabá ônd dôhanna vr Eich vreffendlicht:
Ôlengschd beh e amôle wiadr en dr K’rch vom friahrah Glôschdr Guadázäll gweá. Näabá dr bereahmdá barogga Kripp‘ geids en deam klôiná obrschwäabisch baroggá Gloiôd au no dia erschd ôlengschd reschdaurierde Hôilige Leibr vo ra ganzá Schaar vo Hôiliche ázômguggá. Selliche send friarnr ed sälldá aus ra falscha Vorschdellich vo Modärnidäad ônd Aufgläradsai z’rschdrerad ôdr z’mendesch’d aus de K’rchá endfärnd worrá. Sell glôina K’rch vó Guadazäll abbr vrbrgd nô emmr a aahseahnliche Sammlich vó Hoîlige Leibr als säldané Beischbiealr vo diafm Glaubá ônd heagäabôngsvollr Vr’ehrich  en ihre orginale barogge Käschdá.
Daß sellaorts au dr Hôilige Leib vommá Hôiligá „Alexandr Mardyr“ vrehrd werrá ká, frait me pr’seahnlich nadierlich bsondrs.
Advertisements